SHBA-ja rihap Ambasadën në Kiev

SHBA-ja ka bërë të ditur se ka rihapur ambasadën e saj në Kiev vonë të mërkurën, pasi ajo ishte mbyllur për atë ditë për shkak të asaj që e quajti kërcënim nga një sulm ajror, një ditë pasi Ukraina përdori raketat amerikane për të goditur një objektiv brenda Rusisë.

Rusia e kishte përshkruar sulmin nga raketat amerikane si një përshkallëzim në luftën 1000-ditore, ndërsa agjencia e spiunazhit ushtarak të Ukrainës ka thënë se Rusia po përpiqej të krijonte panik duke shpërndarë mesazhe të rreme në internet në lidhje me një sulm të afërt me raketa dhe dronë, raporton Reuters.

"Ne vazhdojmë të inkurajojmë qytetarët amerikanë që të qëndrojnë vigjilentë, të monitorojnë burimet zyrtare të Ukrainës për përditësime dhe të jenë të përgatitur të strehohen në vend nëse shpallet një alarm ajror”, thuhet ndër të tjera në njoftimin e ambasadës. 

Departamenti i Shtetit i SHBA-së kishte thënë më herët se priste që ambasada e Kievit të rifillonte funksionimin normal të enjten.

Një burim i qeverisë amerikane ka thënë se mbyllja e ambasadës ishte "e lidhur me kërcënimet e vazhdueshme të sulmeve ajrore". 

Edhe Botë 20 nën 2024 SHBA-ja mbyll ambasadën në Kiev nga frika e një sulmi të madh rus

Ambasadat italiane dhe greke thanë se edhe ato i kishin mbyllur dyert. Ambasada franceze qëndroi e hapur, por u bëri thirrje qytetarëve të saj të jenë të kujdesshëm.

LEXO EDHE: