SHBA-ja merr vendim kundër inteligjencës artificiale në kohën e zgjedhjeve

Komisioni Federal i Komunikimeve në Shtetet e Bashkuara të enjten i ka shpallur të jashtëligjshme thirrjet robotike që përmbajnë zëra të gjeneruar nga inteligjenca artificiale, vendim që dërgon mesazh të qartë se shfrytëzimi i teknologjisë për të mashtruar njerëzit dhe votuesit nuk do të tolerohet, raportoi “AP News”.

Vendimi unanim synon thirrjet robotike të bëra me mjete të klonimit të zërit përmes AI-së, sipas Aktit Telefonik për Mbrojtjen e Konsumatorit, ligj i vitit 1991 që kufizon thirrjet e padëshiruara që përdorin mesazhe zanore artificiale dhe të regjistruara paraprakisht.

Njoftimi u bë publik derisa autoritetet e Neë Hampshire po avancojnë hetimin e tyre për thirrjet robotike të gjeneruara nga AI-ja që imitonin zërin e Presidentit Joe Biden.

Duke hyrë menjëherë në fuqi, rregullorja fuqizon Komisionin t’i gjobisë kompanitë që përdorin zëra të krijuar nga inteligjenca artificiale në thirrjet e tyre ose t’i bllokojnë ofruesit e shërbimeve që i kryejnë ato.

Sipas ligjit të mbrojtjes së konsumatorit, tregtarët e telekomunikacionit përgjithësisht nuk mund të përdorin telefona automatikë ose mesazhe zanore artificiale ose të regjistruara paraprakisht për të thirrjet në telefonët celularët.

Edhe Botë 1 j. më parë Trumpi e akuzon Kinën për ndërhyrje në zgjedhje

Ata që shkelin ligjin mund të përballen me gjoba të mëdha, duke arritur në më shumë se 23,000 dollarë për telefonatë.

Mjetet e sofistikuara gjeneruese të AI-së, nga programet e klonimit të zërit deri te gjeneruesit e imazheve, tashmë janë në përdorim në zgjedhjet në SHBA dhe në mbarë botën.