Shtetet e Bashkuara dhe Britania premtuan gati 1.5 miliardë dollarë ndihmë shtesë për Ukrainën të mërkurën, gjatë një vizite në Kiev nga kryediplomatët e tyre, ndërsa zyrtarët ukrainas ripërsëritën lutjet e tyre për të përdorur raketa të ofruara nga Perëndimi kundër objektivave më të thella brenda Rusisë.
Sekretari amerikan i Shtetit, Antony Blinken njoftoi për më shumë se 700 milionë dollarë ndihmë humanitare, ndërsa sekretari i Jashtëm britanik, David Lammy konfirmoi se vendi i tij do të sigurojë 782 milionë dollarë të tjera ndihmë dhe garanci kredie. Pjesa më e madhe e ndihmës ka për qëllim forcimin e rrjetit energjetik që Rusia e ka goditur vazhdimisht përpara një dimri që pritet të jetë i vështirë, raporton AP.
Blinken dhe Lammy udhëtuan së bashku në kryeqytetin ukrainas në një turne të rrallë të përbashkët për të nënvizuar angazhimin e tyre ndaj vendit në luftën e tij. Sirenat e sulmit ajror u dëgjuan vazhdimisht gjatë vizitës, duke i detyruar ata të anulonin një ceremoni të vendosjes së kurorave.
Blinkeni ka thënë se presidenti i SHBA-së Joe Biden dhe kryeministri britanik, Keir Starmer do të flasin për çështjen e raketave me rreze të gjatë kur të takohen të premten në Uashington.
-
Britania e Madhe vazhdon mbështetjen ushtarake për Ukrainën
-
SHBA-ja planifikon t’i japë armë shtesë Ukrainës në vlerë prej 500 milionë dollarësh
-
Bideni njofton ndarjen e 2,5 miliardë dollarëve ndihmë për Ukrainën
-
Lista e top-vendeve që ndihmuan Ukrainën me armatim prej 2022-s
-
Bideni do të ndajë ndihma për Ukrainën që ajo të luftojë edhe vitin tjetër, thotë Blinken