Bashkimi Evropian ka miratuar një masë të re sanksionesh kundër Rusisë dhe subjekteve që kanë lidhje me Kremlinin. Detajet u publikuan të premten, shkruan BBC.
Pas sanksioneve të reja, dy vajzave të presidentit rus Vladimir Putin nuk do u lejohet udhëtimi në BE.
Masat përfshijnë:
Ngrihen asetet dhe ndalohen udhëtimet për 216 individë, përfshirë dy vajzat e Vladimir Putinit, Ekhaterina Tikhonova dhe Maria Vorontsova, të dyja 37 vjeç.
Të prekur janë edhe German Gref, kreu i Sberbank, banka më e madhe e Rusisë; prodhuesi i armëve dhe miliarderi Oleg Deripaska; dhe zëdhënësi i Ministrisë së Mbrojtjes, Igor Konashenkov.
Edhe
BE-ja planifikon të ndalojë hyrjen në bllok të kujtdo që ka luftuar krah Rusisë në Ukrainë
Sanksione ndaj 18 kompanive të tjera, duke përfshirë pesë nga bankat më të mëdha të Rusisë.
Ndalimi i importeve të qymyrit, veprimi i parë që BE-ja ka ndërmarrë deri tani kundër sektorit energjetik të Rusisë.
Ndalimi i importit të mallrave të tjera - duke përfshirë dru, vodka dhe produkte kimike - vlerësohet të jetë të paktën 10% e të gjitha importeve nga Rusia.
Ndalimi i eksportit të mallrave duke përfshirë kerozinën e avionit dhe pajisjet e transportit.
Ndalim eksporti i teknologjive, duke përfshirë kompjuterët kuantikë, gjysmëpërçuesit e avancuar dhe elektronikën e nivelit të lartë.
Edhe
BE-ja vendos sanksione për rrëmbimin nga Rusia të mijëra fëmijëve ukrainas
Ndalimi i anijeve ruse që përdorin portet e BE-së.
Ndalimi i kamionëve rusë dhe bjellorusisë që të hyjnë në territorin e BE-së, përveç nëse ato transportojnë produkte mjekësore, ushqime ose ndihmë humanitare
