Rusia u jep shtetësi 3.344 të huajve që shërbejnë në luftën në Ukrainë

Rusia u ka dhënë shtetësinë 3.344 të huajve, duke filluar nga fillimi i këtij viti, sipas dekretit të nënshkruar nga presidenti rus, Vladimir Putin, i cili u jep pasaporta pjesëmarrësve në luftën e Rusisë në Ukrainë, si dhe anëtarëve të familjeve të tyre.

Përfaqësuesja zyrtare e Ministrisë së Brendshme të Rusisë, Irina Volk, i ka bërë shifrat të ditura të hënën.

Në bazë të dekretit, shtetësia i lejohet personelit ushtarak që e nënshkruan kontratën njëvjeçare me ushtrinë ruse, apo me formacionet ushtarake që luftojnë në Ukrainë.

Njëkohësisht, Rusia ka zbatuar ligje që mundësojnë heqjen e shtetësisë qytetarëve të neutralizuar që nuk pranojnë të regjistrohen për shërbim në ushtri.

Sipas Volk, rreth 1.117 rusë të neutralizuar e kanë humbur shtetësinë gjatë tetë muajve të parë të 2024-s.

Muajin e kaluar, Ministria e Brendshme e ka filluar ta zbatojë me forcë ligjin, duke e rritur numrin e heqjes së shtetësisë.