Rusia shprehet e gatshme të marrë uraniumin e pasuruar të Iranit

Diplomati më i lartë i Rusisë, Sergei Lavror, ka përsëritur të mërkurën se Moska ishte gati "të luante një rol në zgjidhjen e problemit të uraniumit të pasuruar" në Iran.

"Ky rol mund të marrë shumë forma, duke përfshirë ripërpunimin e uraniumit të pasuruar shumë në uranium të gradës së karburantit, duke transferuar një sasi të caktuar në Rusi për ruajtje", ka thënë Sergey Lavrov gjatë vizitës së tij në Pekin.

"Çdo gjë që është e pranueshme për Iranin, e përsëris, pa shkelur të drejtën e tij të patjetërsueshme, si të drejtën e çdo shteti tjetër, për të pasuruar uranium për qëllime paqësore", u ka thënë Lavrov gazetarëve në Pekin, ku ai ishte në një vizitë dy-ditore", ka shtuar ministri i Jashtëm rus.

Rusia ishte pjesë e marrëveshjes së vitit 2015 midis Iranit dhe gjashtë fuqive bërthamore që ofronte lehtësim të sanksioneve për Teheranin në këmbim të frenimit të programit të tij atomik dhe hapjes së tij ndaj një shqyrtimi më të gjerë ndërkombëtar. Si pjesë e marrëveshjes, Moska hoqi sasi të mëdha të uraniumit të pasuruar nga Irani.

Kremlini i ofroi mbështetje politike Iranit kur SHBA-ja u tërhoq në mënyrë të njëanshme nga marrëveshja gjatë mandatit të parë të Trumpit.

Rusia dhe Kina "mbështesin fuqimisht" bisedimet për t'i dhënë fund luftës në Lindjen e Mesme, "në mënyrë që palët të mund të avancojnë qëllime realiste dhe të drejta, duke respektuar plotësisht të drejtat legjitime të secilës palë, në përputhje me të drejtën ndërkombëtare", ka theksuar Lavrov.