Rusia më shumë ka fituar nga eksportet e energjisë elektrike në gjashtë muajt e parë të agresionit, sesa që ka shpenzuar për luftimet në Ukrainë.
BBC-ja raportoi të martën se sipas një studimi të kryer nga Qendra Finlandeze për Kërkimin e Energjisë, shitjet e energjisë ishin 158 miliardë euro, e kostot e luftës ndaj Ukrainës ishin 100 miliardë.
Në këtë studim u llogarit eksporti i naftës, gazit dhe qymyrit që nga 24 shkurti deri më 24 gusht. Blerësi më i madh rezulton të jetë Bashkimi Evropian, me gjithsej 85 miliardë euro. Blerësi i dytë, Kina, me 25 miliardë euro.
Edhe Gjermania është në mesin e vendeve që më së tepërmi ka blerë energji nga Rusia - 19 miliardë euro për gjashtë muaj.
Rusia, sipas BBC-së, po regjistron fitime rekorde nga lëndët djegëse, me gjithë rënien e vëllimeve të eksporteve.
U vlerësua se eksportet ruse në Evropë kanë rënë për shkak të sanksioneve. Rusia ndërkohë, e ka kërcënuar Gjermaninë se gjatë dimrit do t’ia ndalojë gazin.
-
BE-ja i pagoi Rusisë të paktën tri herë më shumë se ndihma financiare që i dërgoi Ukrainës
-
Rusia fitoi 93 miliardë euro në 100 ditët e para të luftës nga shitjet e karburanteve fosile
-
Gjermania, blerësja më e madhe e energjisë nga Rusia pas fillimit të luftës
-
Ukraina shton sulmet ndaj infrastrukturës energjetike të Rusisë
-
Ukrainës i duhen afro 600 miliardë dollarë për t’u rindërtuar