Rusia po e cilëson të papranueshëm dërgimin e armëve nga SHBA-ja në Ukrainë, raportoi BBC-ja të hënën.
Ambasadori i Rusisë në Washington, Anatoly Antonov, deklaroi se është kërkuar që SHBA-ja t’i japë fund kësaj praktike të dërgimit të armëve te forcat ukrainase.
"Ne theksuam papranueshmërinë e kësaj situate kur Shtetet e Bashkuara të Amerikës dorëzojnë armë në Ukrainë dhe ne kërkuam t'i jepet fund kësaj praktike", deklaroi Antonov për kanalin televiziv “Rossiya 24”.
Antonov theksoi se i është dërguar SHBA-së një notë zyrtare diplomatike ku janë shprehur shqetësimet ruse.
SHBA-ja u ka premtuar Ukrainës dhe shteteve partnere 713 milionë dollarë ndihmë, pas takimit të Sekretarit të Shtetit, Antony Blinken dhe presidentit ukrainas, Volodymyr Zelensky, të dielën në Kiev.
Sipas BBC-së, rreth 322 milionë do të shfrytëzohen për blerje të armëve të nevojshme për forcat ukrainase, ndërsa fondet e mbetura do t’iu ndahen vendeve anëtare të NATO-s që i dolën në ndihmë Ukrainës.
-
Ndërprerja e dërgesave të armëve nga SHBA-ja inkurajon Rusinë, thotë Kievi
-
SHBA-ja ndalon disa dërgesa armësh për Ukrainën
-
SHBA-ja do të dërgojë armatim në Ukrainë në vlerë 300 milionë dollarëshe
-
SHBA-ja do t’i dërgojë Ukrainës armatim në vlerë 250 milionë dollarë
-
Rusia paralajmëron SHBA-në për rrezikun e një përballjeje direkte ushtarake