Rusia e ka bllokuar marrëveshjen mbi dokumentin përfundimtar të një rishikimi katër-javor të traktatit të OKB-së, i konsideruar si guri themeltar i çarmatimit bërthamor, i cili kritikoi marrjen e saj ushtarake të centralit bërthamor më të madh në Evropë menjëherë pasi trupat ruse pushtuan Ukrainën, akt që ka rritur frikën e një aksidenti bërthamor.
Igor Vishnevetsky, zëvendësdrejtori i Departamentit kundër përhapjes së armëve bërthamore i Ministrisë së Jashtme ruse, ka thënë në takimin e vonuar përfundimtar të konferencës për shqyrtimin e Traktatit 50-vjeçar kundër përhapjes së armëve bërthamore se fatkeqësisht nuk ka konsensus për këtë dokument.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoAi këmbënguli se shumë vende - jo vetëm Rusia - nuk ishin dakord me “një mori çështjesh” në draftin e fundit prej 36 faqesh.
Dokumenti kishte nevojë për miratim nga 191 vendet të cilat janë palë në traktatin që synon frenimin e përhapjes së armëve bërthamore dhe përfundimisht arritjen e një bote pa to.
Ambasadori argjentinas Gustavo Zlauvinen, president i konferencës, tha se drafti përfundimtar përfaqësonte përpjekjet e tij më të mira për të adresuar pikëpamjet e ndryshme dhe pritshmëritë e palëve për një rezultat progresiv.