Rusia dyshohet se ka përdorur sistemin e fundit të raketave kundër Ukrainës

Rusia raportohet se ka gjuajtur sistemin e saj të fundit me raketa kundër objektivave ukrainase në zonën e Kharkivit.

Kështu ka thënë një zyrtar rus i sigurisë për agjencinë shtetërore të lajmeve Tass, edhe pse kjo nuk është konfirmuar zyrtarisht.

TOS-2 Tosochka është një nga armët termobarike karburant-ajër e cila krijon shpërthime masive dhe privon këdo në zonën ku bie nga oksigjeni, shkruan BBC.

Ukraina ka larguar forcat ruse nga periferia e Kharkivit, i cili u vizitua të dielën nga presidenti Volodymyr Zelensky.

Më herët Rusia konfirmoi se po përdorte raketat TOS-1 Solntsepyok kundër objektivave në Donbas, ku forcat ukrainase janë nën bombardime të vazhdueshme dhe intensive.

TOS-1 është gjithashtu termobarik, me një distancë deri në 10 km. Prodhuesi Rostec i TOS-2 thotë se TOS-2 ka një rreze më të gjatë, shënjestrim më të mirë automatik dhe më shumë shkathtësi. Raketat TOS-2 transportohen në një kamion të blinduar, jo në një shasi tankesh.