Qeveria e Finlandës e ka në plan t’ua ndalojë shumicës së qytetarëve rusë që të blejnë prona në shtetin nordik, si përpjekje për ta mbrojtur sigurinë kombëtare, ka thënë të hënën ministri i Mbrojtjes, Antti Hakkanen.
Marrëdhëniet mes Finlandës dhe Rusisë janë zbehur që nga fillimi i pushtimit të Ukrainës në vitin 2022, çka e ka shtyrë Helsinkin t’i bashkohet aleancës ushtarake të NATO-s.
Propozimi për ndalimin e blerjen e pasurive të paluajtshme nuk do të vlejë për qytetarët me shtetësi të dyfishtë dhe rusët me vendbanim të përhershëm në Finlandë ose në vendet e tjera të Bashkimit Evropian, raporton Reuters.
Ky propozim është subjekt i konsultimeve të ekspertëve përpara një votimi të mëvonshëm nga parlamenti.
“Rregulloret kanë për qëllim parandalimin e ndikimeve të mundshme armiqësore kundër Finlandës”, ka thënë Hakkanen në një konferencë shtypi.
Edhe
Finlanda planifikon t’i rrisë shpenzimet e mbrojtjes në 3,2% deri më 2030
Finlanda veçse është duke i mbikëqyrur rreth 3500 prona me pronarë rusë në vend, ka shtuar ministri.
Helsinki zyrtar ka kërkuar për disa kohë t’i kufizojë blerjet e pronave nga qytetarët rusë pranë vendndodhjeve strategjike, duke i ndaluar tri në tetorin e vitit të kaluar dhe tri të tjera në janar të këtij viti.
-
Presidenti i Finlandës: Garancitë e sigurisë për Ukrainën kërkojnë gatishmëri për ta luftuar Rusinë
-
BE-ja planifikon të ndalojë hyrjen në bllok të kujtdo që ka luftuar krah Rusisë në Ukrainë
-
Droni rus godet një ndërtesë banimi në Rumani
-
Rusia kërcënon Kievin me sulme të reja, u bën thirrje shtetasve të huaj ta lëshojnë atë