Rumania po lufton me valën e saj më të keqe nga COVID-19

“Është e pamëshirshme - e pamëshirshme", psherëtiu infermierja Claudiu Ionita, duke qëndruar përballë një vargu gurësh në morgun e Spitalit Universitar të Bukureshtit.

Morgu ka një kapacitet për 15 trupa, por ditën që CNN-ja e vizitoi, morgu kishte 41. Kufomat e tepërta mbushën korridorin jashtë, ndërsa nga brenda morgut jehonin vajtime.

Spitali Universitar i Bukureshtit është objekti më i madh mjekësor i kryeqytetit rumun që trajton pacientët Covid-19 dhe po përballet me valën e katërt të vendit, më e keqja e saj deri më tani.

“Nuk e kam menduar kurrë që kur kam nisur këtë punë, se do ta jetoj diçka të tillë”, tha Ionita. “Nuk e kisha menduar kurrë që mund të ndodhte një katastrofë e tillë, që të përfundonim duke dërguar familje të tëra në varret e tyre”.

Disa kate më lart, të gjithë shtretërit përveç njërit në njësitë e zgjeruara të kujdesit intensiv të spitalit ishin plot. Një infermiere po ndërronte çarçafët në një shtrat të lirë - bosh, sepse personi që e kishte zënë tani shtrihej në morg.

Rumania ka një nga nivelet më të ulëta të vaksinimit në Evropë.

Edhe Botë 15 nën 2021 Liderëve nuk u ngutet, derisa virusi po shpërthen në Evropën Lindore

Pak më pak se 36% e popullsisë është vaksinuar, edhe pse fushata e vaksinimit në vend nisi mirë dhjetorin e kaluar.

Punonjësit mjekësorë dhe zyrtarët ia atribuojnë këtë shkallë të ulët vaksinimit një sërë faktorësh, duke përfshirë dyshimin ndaj autoriteteve, besimet e thella fetare dhe një vërshim të dezinformatave që përhapen nëpër mediat sociale.