Presioni diplomatik për tu dhënë fund luftimeve që lanë të paktën 300 të vdekur në javën e fundit në Sudan po rritet.
Organizata e Kombeve të Bashkuara (OKB), Shtetet e Bashkuara të Amerikës (SHBA) dhe vende të tjera po bëjnë presion për një armëpushim treditor për të shënuar festën e Fitër Bajramit.
Në Sudan ushtria e rregullt po lufton një forcë paraushtarake të quajtur Forcat e Mbështetjes së Shpejtë (RSF).
RSF-ja thotë se ka rënë dakord për një armëpushim 72-orësh mbi baza humanitare, derisa për këtë nuk ka pasur asnjë koment nga ushtria.
Armëpushimi sipas RSF-së ka nisur të premten në orën 06:00, për të mundësuar festimin e Bajramit të Madh.
Megjithatë në kryeqytetin e Sudanit, Khartoum, ende janë duke u dëgjuar të shtëna dhe shpërthimeve.
Dy përpjekje të mëparshme për armëpushim kanë dështuar.
Edhe
Respektohet armëpushimi pas negociatave në Sudan
Shpresa e fundit për një armëpushim të përkohshëm erdhi pasi Sekretari i Përgjithshëm i OKB-së Antonio Guterres bëri thirrje për një armëpushim për të lejuar civilët të arrijnë sigurinë.
Armëpushimi për Bajramin e Madh, sipas Guterres "duhet të jetë hapi i parë drejt pushimit të luftimeve dhe hapja e rrugës për një armëpushim të përhershëm".
Sekretari amerikan i Shtetit, Antony Blinken, ka bërë thirrje gjithashtu që luftimet të pushojnë të paktën deri të dielën. /BBC
