-
Përktheu:
Flutura Gashi-Mehmeti
- 10 dhjetor 2024 14:40
- Shpërndaje në:
Udhëheqësi kryesor i rebelëve islamikë në Siri thotë se emrat e zyrtarëve të lartë të regjimit të Assadit që ishin të përfshirë në torturimin e të burgosurve politikë do të bëhen publikë së shpejti.
Abu Mohammed al-Jolani thotë se do të ofrohen shpërblime për informacione rreth oficerëve të lartë të ushtrisë dhe sigurisë të përfshirë në "krime lufte".
Ndërkohë punonjësit e shpëtimit thonë se kanë përfunduar kërkimin e tyre për të arrestuar të mundshëm në qelitë sekrete ose bodrumet në burgun ushtarak të Damaskut, pa gjetur askënd.
Në Damask, luftëtarët rebelë raportohet të kenë gjetur më shumë se 40 trupa në një morg spitali që tregojnë shenja torture.
Mohammed al-Bashir emërohet kryeministër i përkohshëm i Sirisë
Lideri rebel që ndihmoi në rrëzimin e regjimit të Bashar al-Assad raportohet të jetë emëruar si kryeministër i përkohshëm i Sirisë.
Mohammed al-Bashir ka thënë në një fjalim televiziv të hënën se do të qëndrojë në post deri më 1 mars 2025 për të udhëhequr qeverinë në tranzicion, raporton The Guardian.
Al-Bashir kryesoi qeverinë e Shpëtimit të udhëhequr nga rebelët, e cila tashmë kishte qeverisur pjesë të Sirisë veriperëndimore dhe Idlib, përpara ofensivës së rrufeshme gjatë dy javëve të fundit.
Qeveria e Shpëtimit është e lidhur me grupin islamik Hayat Tahrir-al Shams, i cili udhëhoqi përmbysjen e regjimit të al-Assadit në Siri pas 13 vjetësh lufte civile.
