Realizohet shkëmbimi i të burgosurve mes SHBA-së e Iranit, pas lirimit të aseteve të ngrira iraniane

Pesë të burgosur, lirimin e të cilëve e kërkoi SHBA-ja në shkëmbim të burgosurve me Iranin, janë nisur të hënën nga Tehrani, raporton agjencia AP.

Marrëveshja e shkëmbimit të burgosurve u bë e mundur pasi që SHBA-ja vendosi t’i lirojë afro 6 miliardë dollarë asete të ngrira të Iranit.

Dy persona, përfshirë një zyrtar i lartë i administratës së Joe Bidenit, ka thënë se të burgosurit janë lërguar nga Tehrani.

Ata folën në kushte anonimiteti, pasi shkëmbimi ende po ndodh. Në të dhënat e fluturimeve, shihet që një aeroplan i Qatar Airways është nisur nga aeroporti Mehrabad në Tehran. Ky aeroplan ishte përdorur edhe më herët në shkëmbime.

Aeroplani pritet të aterojë në Doha të Katarit. Ndërkohë uebfaqja “Nour News” ka bërë të ditur se dy të burgosur iranianë kanë arritur tashmë në Doha.

Ministri i Jashtëm i Iranit, Nasser Kanaani, të hënën në konferencë për media ka konfirmuar se shkëmbimi i të burgosurve do të mundësohet pasi janë liruar 6 miliardë dollarë asete iraniane që ishin ngrirë. Asetet tashmë kanë arritur në Katar.

Edhe Botë 19 sht 2023 Shkëmbimi i të burgosurve, amerikanët e mbajtur në Iran kthehen në SHBA

“Sa i përket temës së shkëmbimit të të burgosurve, do të ndodhë sot dhe pesë të burgosur, qytetarët të Shtetit Islamik, do të lirohen nga burgjet në SHBA. Pesë të burgosur që ishin në Iran do t’i dorëzohen palës amerikane”, ka thënë Kanaani.

Ai ka thënë se dy prej të burgosurve iranianë do të qëndrojnë në SHBA.