Për herë të parë, një avion tregtar izraelit u ngrit sot nga aeroporti Ben Gurion në Dubai, një ngjarje që u bë e mundur nga marrëveshjet e normalizimit midis Izraelit dhe Emirateve të Bashkuara Arabe.
Fluturimi, i kryer nga kompania izraelite “Israir”, ishte në dyshim deri dje, sepse nuk kishte asnjë autorizim nga Arabia Saudite për të kaluar në hapësirën e saj ajrore.
Sipas raporteve të medias, një ndërhyrje diplomatike amerikane theu, më në fund bllokimin dhe këtë mëngjes 180 izraelitët e parë u paraqitën në sallën e hipjes në bord.
Ndërkohë, një delegacion ministror nga Bahreini pritet në Izrael sot, i dyti në dy javët e fundit.
Ai drejtohet nga ministri i Industrisë dhe Tregtisë, Rashid al-Zayani, i cili shoqërohet nga rreth 40 sipërmarrës.
Programi treditor përfshin takime me kryeministrin Benyamin Netanyahu, ministrin e Jashtëm Gaby Ashkenazi, si edhe vizita në bizneset dhe në bursën e diamantit “Ramat Gan” pranë Tel Avivit./ ATSH
-
Emiratet kryen fluturimin e parë tregtar drejt Izraelit
-
Fluturim direkt historik nga Izraeli për në Emirate
-
Bashkëpiloti i “Flydubai” planifikoi ta përplaste aeroplanin në aeroportin e Tel Avivit
-
Netanyahu: Ende herët për të përcaktuar motivin e pilotit sulmues në avionin Dubai-Izrael
-
Pasagjeri tregon se si e neutralizoi pilotin që pretendohet se tentoi ta rrëzonte aeroplanin e linjës Dubai – Tel Aviv