Raporti i Ushtrisë amerikane për UFO-t nuk konfirmon as s’përjashton aktivitetin e alienëve

Një raport i qeverisë së Shteteve të Bashkuara të Amerikës mbi vëzhgimin e objekteve të paidentifikuara fluturuese (UFO), nuk gjeti prova të aktivitetit të huaj por as nuk ka përjashtuar atë, kanë thënë zyrtarët.

Rishikimi i 120 incidenteve pritet të konkludojë se teknologjia amerikane nuk ishte e përfshirë në shumicën e këtyre rasteve.

Por përtej kësaj, raporti nuk bën vlerësime përfundimtare rreth asaj se çka mund të jenë ato objekte, thanë zyrtarët.

Një version i raportit do t'u dorëzohet ligjbërësve në qershor, raporton BBC.

Raporti është produkt i një taskforce ushtarake të krijuar vitin e kaluar për të hetuar dekada të tëra të vëzhgimeve ajrore të pashpjegueshme në hapësirën ajrore të SHBA-së.

Departamenti i Mbrojtjes tha se donte të përmirësonte kuptimin e fenomeneve ajrore të paidentifikuara, të njohur gjithashtu si UFO, dhe të përcaktojë nëse ato përbënin një kërcënim për sigurinë kombëtare.