Qytetarët në Mykolaiv po detyrohen të furnizohen me ujë nga lumenjtë

Qytetarët në qytetin jugor ukrainas Mykolaiv kanë mbetur pa ujë të pijshëm për katër ditë, duke u detyruar kështu të përdorin ujin nga lumenjtë, raporton CNN.

Qasja në ujë të pijshëm është humbur kur një gyp që vinte nga Dnipro u dëmtua gjatë luftimeve disa ditë më parë.

Kreu i administratës ushtarake rajonale të Mykolaivit, Vitalii Kim, ka thënë të dielën, se forcat ruse po vazhdojnë sulmet, duke përdorur edhe raketa lundruese.

Ai ka thënë se problemi i ujit do të zgjidhet së shpejti.

“Uji do të ofrohet. Duhet të jemi të durueshëm për disa ditë”, ka thënë Kim.