-
Përktheu:
Flutura Gashi-Mehmeti
- 12 qershor 2025 08:32
- Shpërndaje në:
Qeveria e kryeministrit izraelit, Benjamin Netanyahu ka shpëtuar pasi një projektligj për shpërndarjen e parlamentit i paraqitur nga opozita dështoi të miratohej herët të enjten.
Partnerët e tij ultra-ortodoksë të koalicionit kërcënuan se do ta mbështesnin masën dhe do të detyronin zgjedhje të parakohshme, por u arrit një marrëveshje e minutës së fundit, raporton AP.
Votimi përfundoi me 61 kundër shpërndarjes dhe 53 pro, pasi disa nga ultra-ortodoksët tërhoqën kundërshtimin e tyre.
"Unë deklaroj se projektligji për shpërbërjen e Knessetit...i iniciuar nga anëtari i Knessetit, Oded Forer dhe grupi i tij i anëtarëve të Knessetit, nuk është miratuar dhe do të hiqet nga rendi i ditës”, ka thënë Amir Ohana, kreu i Knessetit.
Partitë ultra-ortodokse janë të zemëruara që qeveria nuk ka arritur të miratojë një ligj që përjashton komunitetin e tyre nga shërbimi i detyrueshëm ushtarak.
Çështja e ka ndarë ashpër publikun izraelit gjatë luftës në Gaza.
Vota ishte sfida më serioze për qeverinë e Netanyahut që nga sulmi i Hamasit më 7 tetor 2023.
Opozita nuk mund të sjellë përsëri një votim tjetër për shpërbërjen për të paktën gjashtë muaj.
