Parlamenti i Izraelit ka bërë hapin e parë drejt shpërndarjes të mërkurën, gjë që mund t'i ofroj zgjedhjet e planifikuara të tetorit me disa javë më herët.
Kjo është shenja më e qartë se konflikti i brendshëm nga çështjet që rrjedhin nga refuzimi i ultra-ortodoksëve për të shërbyer në ushtri është kërcënimi më i madh për Netanyahun, edhe pse ai është përballur me më shumë se dy vjet luftëra të pafundme kundër disa vendeve njëkohësisht.
Projektligji për shpërbërjen e Knesetit aktual ka kaluar votimin paraprak, me 110 vota pro dhe asnjë kundër.
Tani do të kalojë në një komision parlamentar përpara se të vazhdojë me tri leximet e kërkuara që Kneseti të shpërbëhet zyrtarisht.
Zgjedhje e reja pritej të mbaheshin në fund të tetorit. Por disa nga partnerët qeverisës ultra-ortodoks të Netanyahut kanë kërkuar që vendi të shkojë në zgjedhje në fillim të shtatorit.
Sipas Projektligjit, zgjedhjet duhet të mbahen jo më pak se 90 ditë pas miratimit, duke i dhënë Netanyahut fleksibilitet për të zgjedhur një datë kur ai mendon se ka shansin më të mirë për sukses.
