Presidenti rus, Vladimir Putin ka akuzuar Perëndimin se ka prishur marrëdhëniet me Rusinë duke neglizhuar interesat e saj.
Në konferencën vjetore, Putini gjithashtu ka thënë se konflikti në Ukrainë nuk duhet të krahasohet me luftën në Gazë.
Ai ka kundërshtuar edhe aktivitetet e NATO-s në Azi, duke thënë se ato janë përtej qëllimeve të aleancës ushtarake, teksa ka shtuar se marrëdhëniet mes Rusisë dhe Kinës janë garanci e stabilitetit botëror.
I pyetur për lirimin e mundshëm të shtetasve amerikanë, gazetarin Evan Gershkovich dhe Paul Whelan, Putini ka thënë se janë duke u zhvilluar bisedimet me zyrtarët e SHBA-së për lirimin e tyre.
Gazetari është i akuzuar për spiunazh teksa po bënte reportazh për qytetin rus Yekaterinburg, 2 mijë kilometra në lindje të Moskës.
Ai ishte arrestuar gjatë vitit të kaluar dhe po mbahet në paraburgim.