Presidenti rus, Vladimir Putin, deklaroi të premten se aktualisht nuk sheh asnjë arsye për të takuar presidentin ukrainas, Volodymyr Zelensky, pas propozimit të këtij të fundit për takim ballë për ballë.
Duke folur në forumin ekonomik vjetor ku disa nga biznesmenët më të pasur të Rusisë u ankuan për normat e larta të interesit dhe ngecjes ekonomike që rrjedh nga lufta, Putin tha se letra e Zelenskyt nuk dukej si një ofertë e sinqertë për të zhvilluar bisedime.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kjo letër përmban disa vërejtje mjaft të pahijshme. A ishte një mënyrë për të krijuar kushtet për një takim ballë për ballë apo një mënyrë për të mos caktuar një takim ballë për ballë? Mendoj se ishte e dyta”, tha Putin.
I pyetur nëse do të takohej me Zelenskyn, të cilin shefi 73-vjeçar i Kremlinit ishte i kujdesshëm të mos ia përmendte emrin, por ta quante vetëm si “autori i letrës”, Putini ishte i prerë.
“Nuk e shoh qëllimin e takimit; e vetmja pikë është që pala ukrainase të ndalojë përparimin e forcave tona të armatosura. Por ne kemi nevojë për marrëveshje - jo për gjashtë muaj, jo për tre muaj, por për një afatgjatë. Le të fillojnë ekspertët të punojnë dhe të dalin me disa zgjidhje. Pas kësaj, mund të takohemi...”, tha udhëheqësi rus.
Presidenti ukrainas, Volodymir Zelensky, publikoi një letër të hapur duke propozuar që udhëheqësit të zhvillojnë bisedime sy më sy për të rënë dakord për t'i dhënë fund luftës që tani është në vitin e pestë.
Në letrën e tij, e cila iu dërgua vendeve të tjera, përfshirë Shtetet e Bashkuara, Zelensky tha se shumica e rusëve ishin lodhur nga sulmet me raketa dhe dronë ukrainas, inflacioni i lartë dhe mungesa e karburantit, dhe se janë gati për paqe. Ai gjithashtu sugjeroi që vazhdimi i luftës mund të kërcënonte vetë pozicionin e Putinit, duke thënë se historia ka treguar se kur Rusia lodhej, vinte ndryshimi.