Presidenti rus Vladimir Putin i ka dhuruar liderit të Koresë së Veriut Kim Jong Un një veturë luksoze të prodhimit rus, shkruan BBC.
Media shtetërore e Phenianit ka thënë se limuzina iu dorëzua ndihmësve kryesorë të Kimit të dielën.
Zëdhënësi i Kremlinit, Dmitry Peskov, më vonë konfirmoi dhuratën, duke thënë se ishte model Aurus, një sedan luksoz me përmasa të njëjta që përdoret edhe nga vetë Putini. Çmimi i tij është rreth 500 mijë euro.
Dy vendet e izoluara ndërkombëtarisht kanë krijuar marrëdhënie të ngushta që nga pushtimi i Ukrainës nga Rusia.
Koreja e Veriut mendohet se po furnizon Rusinë me artileri dhe raketa balistike për luftën, pavarësisht sanksioneve ndërkombëtare ndaj të dy vendeve. Të dyja palët mohojnë shkeljen e sanksioneve.
Putin e mirëpriti Kimin në Vostochny në lindjen e largët ruse shtatorin e kaluar, në atë që ishte udhëtimi i tij i parë jashtë vendit në katër vjet.
Edhe
Limuzina që Putini ia dhuroi Kimit është prodhuar me pjesë të “shtetit armik”
Gjatë asaj vizite, udhëheqësi i Koresë së Veriut inspektoi limuzinën Aurus të Putinit.
Kim Jong-un besohet të jetë entuziast i veturave dhe se ka një koleksion të automjeteve të huaja luksoze.
