Putini do t’i ndalë bombardimet në Mariupol kur trupat ukrainase të dorëzohen

Presidenti i Rusisë, Vladimir Putin, ka thënë se Rusia do t’i ndalë bombardimet në qytetin ukrainas Mariupol, vetëm kur forcat ukrainase të dorëzohen në këtë qytet, raporton BBC të mërkurën.

Putini këtë ia ka thënë presidentit të Francës, Emmanuel Macron, gjatë bisedës që ka pasur me të, ka njoftuar Kremlini.

Por, sipas zyrtarëve francezë, thuhet se lideri rus është pajtuar të shqyrtojë planin për të evakuuar civilët nga qyteti.

Zyrtarët francezë e kanë quajtur situatën në Mariupol si katastrofale dhe kanë shtuar se civilët duhet të mbrohen dhe largohen nëse duan të bëjnë këtë.