Presidenti rus, Vladimir Putin do të takohet me presidentin bjellorus, Alexander Lukashenko gjatë të martë, për të diskutuar situatën në Ukrainë dhe sanksionet e Perëndimit, raporton Sky News.
Rusia dërgoi dhjetëra mijëra trupa në Ukrainë më 24 shkurt nga territori rus dhe bjellorus.
Lukashenko ka insistuar se Bjellorusia duhet të përfshihet në negociatat për zgjidhjen e konfliktit në Ukrainë, duke thënë se vendi i tij ishte etiketuar “padrejtësisht si bashkëpunëtor i agresorit".
Bjellorusia është përfshirë në sanksionet perëndimore, së bashku me Rusinë.
Putin dhe Lukashenko do të takohen në Kozmodromin Vostochny, një port hapësinor rus në rajonin e largët lindor të Amurit, në Rusi, njoftoi agjencia bjelloruse e lajmeve “Belta”.
Artikuj të ngjashëm