Protestuesit në Kinë ia kërkuan dorëheqjen presidentit Xi Jinping, për shkak të masave kufizuese ndaj COVID-19, që sipas protestuesve, çoi në vdekjen e 10 personave nga zjarri në një ndërtesë banimi, raportoi BBC-ja të dielën.
Mijëra persona u mblodhën në Shangai, derisa autoritetet thanë se personat nuk vdiqën për shkak të masave kufizuese. “Xi Jinping, largohu”, ishte një nga thirrjet që protestuesit e mbanin në duar, ndërsa për viktimat u vendosën lule dhe u ndezën qirinj.
Pekini vazhdon të ndjekë një politikë zero-COVID, për shkak të numrit rekord të infeksioneve dhe pavarësisht rritjes së zemërimit te publiku.
Kryeqyteti i rajonit perëndimor Xinjiang ka qenë nën kufizime që nga fillimi i gushtit.
Pamjet e shpërndara të premten mbrëma treguan banorët, shumë prej tyre me maska në fytyrë, duke u mbledhur pas errësirës në rrugët e qytetit.
-
Përmbytjet në kryeqytetin e Kinës lënë të vdekur të paktën 30 persona
-
Kina goditet nga një tajfun i fuqishëm, evakuohen afro 2 milionë banorë
-
Të paktën 90 të vdekur nga shpërthimi në një minierë qymyri në Kinë
-
Mbi 80 të vdekur nga shpërthimi në një minierë në Kinë
-
Putini mbërrin në Kinë për bisedime me Xi-në