Albin Prapashtica i Feronikelit 74 është shpallur futbollisti më i mirë i xhiros së 11-të në Superligën e Kosovës.
FFK-ja të hënën e shpalli më të mirin, përkatësisht fituesin e çmimit “Ylli i Javës”.
Prapashtica realizoi dy gola për Feronikelin 74 në duelin ndaj Dukagjinit.
Feronikeli 74 të dielën e mposhti skuadrën nga Klina me rezultatin 3:0.
“Prapashtica realizoi dy gola duke dhënë kontribut vendimtar në sigurimin e tri pikëve të rëndësishme për skuadrën e tij. Me paraqitjen e tij të shkëlqyeshme, efikasitetin para portës dhe angazhimin gjatë gjithë takimit, ai u dallua si një nga futbollistët më meritorë të kësaj xhiroje”, ka shkruar FFK-ja.