Protesta e kamionistëve në Kanada u shkakton probleme prodhuesve të veturave

Bllokada e kamionëve nga kanadezët që protestojnë kundër kufizimeve të vendit si pasojë e COVID-19 po redukton vidat në industrinë e automobilave, duke detyruar kompanitë si Ford, Toyota dhe General Motors të mbyllin fabrikat ose të paktën të kufizojnë prodhimin në të dy anët e kufirit SHBA-Kanada.

Protestat kanë hyrë në ditën e tyre të katërt të enjten në Urën e Ambasadorit që lidh Windsor, Ontario, me Detroitin, duke ndërprerë rrjedhën e pjesëve të automjeteve dhe produkteve të tjera përtej kufirit.

Ndërkohë, autoritetet amerikane u përgatitën për mundësinë e protestave të ngjashme me autokolona kamionësh në Shtetet e Bashkuara derisa, autoritetet në Paris dhe Belgjikë ndaluan bllokadat e rrugëve për të shmangur ndërprerjet edhe atje.

Departamenti Amerikan i Sigurisë Kombëtare (DHS) ka thënë në një buletin për agjencitë lokale dhe shtetërore të zbatimit të ligjit se ka marrë raporte se kamionistët po planifikojnë "të bllokojnë potencialisht rrugët në qytetet kryesore metropolitane" në një protestë kundër mandateve të vaksinave dhe çështjeve të tjera.

DHS-ja ka thënë se karvani mund të fillojë në Kaliforninë Jugore që në fillim të kësaj fundjave, ndoshta duke ndërprerë trafikun rreth Super Bowl dhe të arrijë në Uashington në mars në kohën e gjendjes së Unionit, sipas një kopje të buletinit të së martës të marrë nga Associated Press. DHS-ja ka thënë se protesta mund të jetë përçarëse dhe të pengojë trafikun, por se nuk ka pasur thirrje për dhunë.

Ndalimi i bllokadave të rrugëve në Evropë dhe kërcënimi i burgut dhe gjobave të rënda u nxitën gjithashtu nga grupet e bisedave në internet në Francë që u kanë bërë thirrje shoferëve të bashkohen në Paris duke filluar nga e premtja mbrëma dhe të vazhdojnë për në Bruksel të hënën.

Ura e Ambasadorit është pika kufitare më e ngarkuar SHBA-Kanada, ku zhvillohet 25% e të gjithë tregtisë midis dy vendeve dhe efektet e bllokadës atje u ndjenë me shpejtësi.

Edhe Botë 18 shk 2022 Policia kanadeze nis arrestimin e kamionistëve

Kompania e prodhimit të veturave Ford ka thënë se fabrika e motorit në Windsor, Ontario, u rihap të enjten pasi u mbyll të mërkurën për shkak të mungesës së pjesëve.

Nga ana e SHBA-së, General Motors anuloi ndërrimin e dytë të mërkurën dhe ndërrimin e parë të enjten në fabrikën e saj të SUV-ve jashtë Lansing, Michigan.

Toyota tha se nuk do të jetë në gjendje të prodhojë asgjë në tre fabrika kanadeze për pjesën tjetër të javës për shkak të mungesës së pjesëve. Në një deklaratë, prodhuesi i automjeteve fajësoi ndërprerjet e zinxhirit të furnizimit, motin dhe problemet e lidhura me pandeminë.