Policia kanadeze nis arrestimin e kamionistëve

Autoritetet në Kanada thonë se kanë filluar të arrestojnë kamionistët që kanë paralizuar trafikun në Otava për tre javë, në një protestë kundër kufizimeve të vendit për COVID-19.

Policia në Otava ka bërë të ditur se disa protestues po dorëzohen dhe po arrestohen të premten në mëngjes, jashtë Parlamentit.

Policia ka arrestuar tashmë dy nga drejtuesit e protestës të enjten vonë dhe ka mbyllur pjesën më të madhe të zonës në qendër të qytetit, për të huajt.

Kryeqyteti përfaqëson bastionin e fundit të kolonës së vetëquajtur të Lirisë pas javësh demonstratash dhe bllokadash që mbyllën pikat kufitare në SHBA dhe shkaktuan dëm ekonomik për të dy vendet.

Policia e Otavës e bëri të qartë të enjten se po përgatitej për t'i dhënë fund rrethimit, dhe për të hequr më shumë se 300 kamionë. Shefi i përkohshëm i policisë së qytetit paralajmëroi se "veprimi është i afërt".

Edhe Arbëri 2 muaj më parë Policia arreston 4 protestues në protestën e 1 Majit në Prishtinë

Protestat kanë tronditur reputacionin e Kanadasë për civilizim dhe kanë frymëzuar kolona të ngjashme në Francë, Zelandën të Re dhe Holandë.

Protestuesit në të gjithë vendin me kamionë, traktorë dhe shtëpi motorike fillimisht u përqendruan në kërkesën e Kanadasë për vaksinat për kamionistët që hyjnë në vend. Por lëvizja shpejt u shndërrua në një sulm të gjerë ndaj masave paraprake për COVID-19 dhe qeverisë së kryeministrit kanadez, Trudeau.