Sekretari i Përgjithshëm i NATO-s, Jens Stoltenberg, ka deklaruar se pret nga aleatët të nënshkruajnë Protokollin e Anëtarësimit për Maqedoninë, pasi vendi ra dakord të ndryshojë emrin pas mosmarrëveshjes disa dekadashe me Greqinë.
Këto komente shefi i NATO-s i bëri gjatë konferencës së përbashkët për media me presidentin rumun, Klaus Iohannis, pas takimit të tyre të mbajtur në Bukuresht.
“Unë pres që së shpejti të gjithë 29 aleatët do të nënshkruajnë Protokollin e Anëtarësimit. Pastaj Shkupi do të jetë pjesë e takimeve si një i ftuar. Pasi të gjithë 29 aleatët të ratifikojnë Protokollin, ne do të jemi në gjendje të mirëpresim Republikën e Maqedonisë së Veriut si anëtare të 30-të të NATO-s”, deklaroi Stoltenberg.
Kur Maqedonia të bëhet anëtare e NATO-s, tha Stoltenberg, “vendi do të kontribuojë për paqen dhe stabilitetin në rajon dhe në Evropë”.
-
Maqedonia e Veriut mori ftesën për t’iu bashkuar NATO-s
-
Stoltenberg paralajmëron mundësinë e anëtarësimit të Maqedonisë V. në NATO brenda dhjetorit
-
Nënshkruhet protokolli për anëtarësimin e Maqedonisë në NATO
-
Maqedonia më 6 shkurt në NATO
-
Pasi të përfundojë marrëveshjen për emrin e ri, Maqedonia anëtare e NATO-s