Polonia dhe Çekia nënshkruan marrëveshje për të mbrojtur hapësirën ajrore sllovake, pasi Sllovakia hoqi dorë nga avionët e saj të vjetër të prodhimit sovjetik MiG-29.
Betimi i mbrojtjes nga aleatët e NATO-s do të zgjasë derisa Sllovakia të marrë F-16 të rinj nga Shtetet e Bashkuara, diçka që pritet të realizohet deri në vitin 2024.
Sipas marrëveshjes, Polonia dhe Çekia po ofrojnë forcat e nevojshme për të reaguar shpejt në rast të shkeljeve të hapësirës ajrore të Sllovakisë. Marrëveshja u nënshkrua në një bazë ajrore sllovake nga ministrat e Mbrojtjes të tri vendeve.
Sipas marrëveshjes, një duzinë avionësh luftarakë polakë F-16 do të patrullojnë në hapësirën ajrore të Sllovakisë duke filluar nga 1 shtatori. Polonia e quajti përpjekjen bashkim forcash të fqinjëve për të “frenuar një agresor të mundshëm”.
Sllovakia ka kufi të shkurtër me Ukrainën, të cilën Rusia e pushtoi në shkurt. Sllovakia ka një flotë prej 11 avionësh MiG-29, dhe muajin e kaluar njoftoi se Sllovakia mund të konsiderojë dhurimin e tyre në Ukrainë në kushte të caktuara.
-
Sllovakia do të blejë sisteme të mbrojtjes ajrore nga Izraeli
-
Ukraina furnizohet me avionë të periudhës sovjetike
-
Berlini dërgon aeroplanë luftarakë në Poloni për shkak të dronëve rusë
-
Sulmet e fundit ruse në Ukrainë – Polonia dhe Rumania ngrenë avionët luftarakë në ajër
-
Tusk: Polonia do t’i rrëzojë objektet që shkelin hapësirën e saj ajrore