Personi i arrestuar nën dyshimet për kryrje të sulmit terrorist, jashtë Parlamentit Britanik në Londër është identifikuar si Salih Khater, me shtetësi britanike dhe origjinë nga Sudani, transmeton Reuters.
Policia beson se vetura është drejtuar me qëllim drejt këmbësorëve dhe çiklistëve, duke plagosur tre persona para se të përplasej jashtë ndalesave të Parlamentit në mëngjesin e së martës.
Ngasësi 29 vjeçar, është arrestuar në skenë të sulmit derisa zyrtarët janë duke kërkuar në tri lokacione në qendër të Anglisë, në kuadër të hetimeve të tyre për incidentin.
Një burim i ka thënë Reutersit se, Khater është nga Birmingemi, dhe se zyrtarët e sigurisë nuk kanë pasur informata për të më herët.
Motivet e sulmit ende nuk janë bërë të ditura.
Vetëm pak minuta pasi sulmit, njësia e kundër-terrorizmit në Britani ka njoftuar se akti është duke u trajtuar si “sulm terrorist”.
-
Britani, ngrihen akuzat për 29-vjeçarin e sulmit në “Westminster”
-
Policia jep detaje për të dyshuarin për sulmin në Manchester
-
Arrestohen tetë të dyshuar për terrorizëm në Angli
-
Sulme vdekjeprurëse në Britani, s’dihet nëse ishin terroriste
-
Shpërthimi në Britani, tre të arrestuar si të dyshuar për terrorizëm