Pesë prioritetet e udhëtimit të Blinkenit në Lindjen e Mesme

Udhëtimi i Sekretarit Amerikan të Shtetit, Antony Blinken në Lindjen e Mesme do të fokusohet në pesë prioritete, ka thënë një zyrtar i lartë i Departamentit të Shtetit.

Prioritetet përfshijnë:

• Bisedimet me Izraelin dhe të tjerët se si ta përfundojnë luftën, sipas objektivave të presidentit amerikan Joe Biden, duke përfshirë rikthimin e pengjeve dhe “lehtësimin e vuajtjeve të palestinezëve”.
• Vazhdimin e punës për planin e “ditës” pas konfliktit.
• Rishikimi i statusit të ndihmave humanitare për Gazën, duke i përfshirë hapat e vendosura paraprakisht nga Blinkeni në letrën e tij, siç është rritja e qasjes së ndihmave humanitare.
• Bisedimet me izraelitët se si të krijojnë një rezolutë për luftën me Hezbollahun dhe bisedimet me shtetet arabe për çfarë mund të bëhet për t’i fuqizuar institutet në Liban, duke e përfshirë mbështetjen ndaj Forcave të Armatosura Libaneze.
• Vazhdimi i diskutimit për hakmarrjen e pritshme të Izraelit kundër Iranit për sulmin e tij raketor të 1 tetorit. Zyrtari ka thënë se Blinkeni do të bisedojë me izraelitët për rëndësinë e dhënies së një përgjigjeje që nuk e përshkallëzon më tej konfliktin, raporton BBC