Ukraina synon të çlirojë të gjithë territorin e saj - përfshirë gadishullin e Krimesë - por qyteti i Khersonit është një trofe jashtëzakonisht i rëndësishëm për ta.
Sky News shpjegon pse në pesë pika.
Kalimi në Krime
Vendndodhja e qytetit të Khersonit e bën atë një portë për në gadishullin e aneksuar të Krimesë. Ndërsa ishte nën okupim, Khersoni ishte një lloj ure tokësore përmes së cilës forcat ruse kaluan në territorin e aneksuar. Krimea është baza e një numri të madh ushtarësh rusë, si dhe flotës së Detit të Zi.
Tani që kanë rimarrë kontrollin e Khersonit, ukrainasit mund të vendosin topa me rreze të gjatë më afër Krimesë.
Edhe
Ukraina bëhet gati për t’u rikthyer në Kherson pas largimit të rusëve
Burimi i ujit të pijshëm
Kthimi i Khersonit nga Ukraina mund të kërcënojë furnizimin me ujë të pijshëm për gadishullin e Krimesë. Pasi Moska pushtoi Krimenë, Ukraina bllokoi rrjedhën e ujit të pijshëm përmes një kanali nga lumi Dnieper.
Rrugët e logjistikës
Rajoni Kherson përfshin bashkimin e lumit Dnieper me Detin e Zi. Tani që Rusia ka humbur pikën e vetme në anën perëndimore të lumit, Ukraina ka një shans më të mirë për të sulmuar linjat ruse të furnizimit dhe për të dobësuar kontrollin e tyre në jug.
Rëndësia simbolike
Qyteti i Khersonit ishte i vetmi kryeqytet rajonal i pushtuar nga forcat ruse. Ishte gjithashtu qyteti më i madh i mbajtur nga forcat e Moskës - kështu që humbja e qytetit është një goditje e madhe simbolike për Kremlinin.
Edhe
BBC: A po ndryshon rrjedha e luftës në favor të Ukrainës
Kontrolli i Detit të Zi
Rajoni Kherson shtrihet në Detin e Zi, i cili është një arterie kyçe për eksportet e ushqimit ukrainas në tregjet e huaja.
