Përfundon pas më shumë se dy orësh telefonata Trump-Putin

Telefonata midis presidentit amerikan, Donald Trump dhe atij rus, Vladimir Putin ka përfunduar pas më shumë se dy orësh, ka njoftuar Shtëpia e Bardhë.

Media shtetërore ruse TASS ka cituar Putinin të ketë thënë se “në përgjithësi jemi në rrugën e duhur”.

TASS raporton po ashtu se Putini ka thënë se Rusia dhe Ukraina duhet të bien dakord për "kompromiset që u përshtaten të dyja palëve" përpara se të arrihet një armëpushim.

Sipas mediumit, presidenti rus gjithashtu favorizon një "zgjidhje paqësore të krizës së Ukrainës" dhe është i gatshëm të punojë me Kievin për një memorandum mbi bisedimet e ardhshme të paqes.