Washington, 4 mars (AP) – Presidenti Joe Biden jo vetëm që duhet ta menaxhojë pandeminë e koronavirusit, por edhe pritjet e njerëzve se sa shpejt shteti i tyre do të dalë nga kriza shëndetësore.
Për detyrën e fundit, parashikimi i optimizmit kaq të madh mund të jetë po aq i rrezikshëm sa vetë ofrimi i më të paktës sesa synohet, duke kërkuar atë që një ekspert i shëndetit publik e quan “mesazh patjetër të përzier”.
Në çdo hap, ndërsa administrata e Bidenit punon për të vaksinuar çdo amerikan të rritur, presidenti po shkel njoftimet e rrejshme me qëllim që të furnizojë kombin me vaksina, mirëpo këtë po e bën me tërheqje vërejtjesh për sfidat përpara.
Njoftimi i tij i madh të martën se do të kishte vaksinë të mjaftueshme për të gjithë të rriturit deri në fund të majit, dy muaj më herët se parashikimet e deritanishme. Erdhi me një plan nga Bideni se mund të jetë një vit i plotë para se amerikanët t’i ktheheshin normalitetit.
Por edhe atëherë, zotimi i tij i madh se do të ketë vaksina të mjaftueshme deri në fund të majit, nuk ka asnjë garanci se deri atëherë që të gjitha këto doza do të ngulen në krahët e krejt amerikanëve.
Administrata e Bidenit është ngutur për të rritur kapacitetin e administrimit të vaksinave në një periudhë gjithnjë e më të shpejtë. Por deri në prill, zyrtarët e administratës presin që furnizimi i vaksinës të tejkalojë kërkesën, duke kërkuar një shtrirje të gjerë të informacionit për të bindur amerikanët hezitues që t’i përvjelin mëngët për të marrë vaksinën.
Pa zhurmë
Strategjia gjithëpërfshirëse e Bidenit deri më tani ka qenë nën premtime dhe e mbivlerësuar, një strategji e dëshmuar politike që vjen me alarmin se amerikanët duhet të qëndrojnë vigjilentë pasi variantet më përhapëse të virusit kanë zënë vend nëpër Amerikë.
Në ditët e tij të para në detyrë, Bideni kishte premtuar mjaft vaksinë për të gjithë të rriturit deri në fund të verës. Ai e zhvendosi afatin deri në fund të korrikut përmes blerjeve shtesë të vaksinave “Pfizer” dhe “Moderna”. Miratimi i vaksinës “Johnson & Johnson”, gjatë javës së kaluar, i kombinuar edhe me marrëveshjen e re të prodhimit me “Merck” dhe përmirësime të prodhimit për dozat ekzistuese, i dhanë Bidenit besim të martën për ta caktuar muajin maj si afatin e ri.
Megjithatë, edhe pse i mban vaksinimet si një hap premtues drejt normalitetit, Bidenit nuk i është ngutur për ta caktuar një kalendar më fiks.
“Më është tërhequr vërejtja që të mos i jap një përgjigje kësaj, sepse nuk e dimë me siguri”, tha ai të martën pasi njoftoi orarin për përshpejtimin e vaksinave. Pastaj shtjelloi qëllimin e tij të zbutur për “kësaj here vitin e ardhshëm” ose më mirë.
“Por përsëri” shtoi ai, “varet nëse njerëzit vazhdojnë të jenë të zgjuar dhe të kuptojnë se ne ende mund të kemi humbje të konsiderueshme”.
Ndryshe nga paraardhësi i tij, që vendoste dhe bënte premtime që nuk mund t'i përmbushte, Bideni është përpjekur të vendosë pritje modeste dhe më pas t’i realizojë ato. Qëllimi i tij fillestar për të administruar 100 milionë vaksina në 100 ditët e para, do të tejkalohet pa pikë problemi.
Kthimi në normalitet
Por edhe pasi orari i furnizimit të vaksinave është përshpejtuar, presidenti ka shtyrë në mënyrë të përsëritur supozimin e tij se kur do të kthehet normaliteti. I shkuan vetullat përpjetë kur tha se Krishtlindjet do të jenë normale, ndërkaq të njëjtën shprehje kishte të martën kur caktoi fillimin e vitit 2022.
Hezitimi i Bidenit, thonë ndihmësit, rrjedh nga pasiguria e zgjatur mbi potencialin që njerëzit e vaksinuar mund të bartin virusin, si dhe shqetësimet mbi variantet e koronavirusit që mund të sfidojnë efektivitetin e vaksinave.
Është një rezultat i zotimit të tij për të “ndjekur shkencën” në vendimmarrjen mbi pandeminë - një refuzim i qartë i parashikimeve joreale të ish-presidentit Donald Trump dhe recetave të pabazuara për publikun. Mirëpo, disa ekspertë të shëndetit publik shqetësohen se Bideni mund të jetë duke korrigjuar tej mase.
Sapo të ketë mjaftueshëm të vaksinuar, ekspertë thonë se mesazhet do të duhet të jenë për mënyrën e rihapjes më të sigurt të shtetit, me më pak theks në paralajmërimet e tmerrshme dhe me shumë nxitje se si efekti i vaksinës lejon një kthim në jetën e përditshme. Të enjten, Qendrat për Kontrollin dhe Parandalimin e Sëmundjeve kanë vendosur të ofrojnë udhëzime fillestare se çfarë munden dhe nuk munden të bëjnë personat e vaksinuar.
Ish-drejtori i CDC-së, Tom Frieden, e quajti atë një “mesazh domosdo të përzier”, duke treguar përparimin me vaksinat dhe rastet që kanë filluar të bien që prej niveleve më të larta të janarit, por edhe shkallën e vazhdueshme të infeksionit dhe rritjen e varianteve.
“Në njërën anë doni që njerëzit të dinë se kemi arsye për të shpresuar se fundi është afër, por gjithashtu, mos e lini prapa kujdesin”, tha Frieden, president dhe CEO i Resolve to Save Lives.
“Pothuajse gjithmonë politika publike vendoset bazuar në provat më të mira në dispozicion, ku jo gjithçka është e sigurt. Por në këtë rast, ju doni të aplikoni konceptin themelor të një sigurie më të mirë sesa keqardhje”, shtoi ai.
Aftësia e virusit për të shkaktuar vdekje masive mund të zbehet, sepse disa nga popullatat më të prekshme janë vaksinuar, por edhe kështu, COVID-19 ka potencialin të mbetet një vrasës i fuqishëm.
Friedeni tha se javët e ardhshme do të jenë udhërrëfyese.
“Ne do të dimë se si po shkojnë rastet. A po kalojmë në një valë të katërt? A po vonojmë në një nivel shumë të lartë të infeksionit? Apo do të rifillojë rënia?”.
Ndryshe prej Trumpit
Vlerësimet joreale të Trumpit për trajektoren e pandemisë i la amerikanët të pasigurt se çfarë të presin për të ardhmen. Ai vendosi një qëllim për të rihapur vendin deri në Pashkën që shkuan, gati 11 muaj më parë, dhe në vjeshtë deklaroi shpesh që vaksinat do të ishin në dispozicion “brenda javësh” edhe pse ekspertët e shëndetit publik paralajmëruan se nuk do të vinin deri pas zgjedhjeve presidenciale të muajit nëntor.
Për më tepër, Trumpi minimizoi ashpërsinë e krizës, duke i shtyrë shumë përkrahës të tij që t’i shpërfillin udhëzimet bazë për mbrojtje nga koronavirusi dhe të sëmureshin, ndërsa gjithashtu shpalli gabimisht fundin e pandemisë duke thënë se shteti amerikan “e kishte zënë në qoshe” virusin. Një parashikim i pasaktë që doli të jetë fatal për të nga ana e votuesve.
“Menaxhimi i pritshmërive është hapi i parë për reagimin efektiv ndaj krizës”, ka thënë Alex Conant, një këshilltar i lartë i fushatës për fushatën presidenciale të 2016 senatorit Marco Rubio.
“Nëse i tejkalon pritjet, ti je një hero. Nëse nuk arrini t’i përmbushni, jeni një dështim. Dëshironi të jeni të sinqertë me njerëzit për atë që mund të arrihet dhe pastaj sigurohuni që t’i keni arritur ato qëllime. Trump u përpoq të fitonte cikle lajmesh; Bideni është përpjekur t’i fitojë zgjedhjet”, ka shtuar Conant.
Teksa njoftimi shpresëdhënës i së martës rreth furnizimit me vaksinë jepte sinjale të fuqishme, gjithashtu shtoi presionin mbi administratën e Bidenit për t’i administruar ato në të vërtetë në Amerikë. Mosarritja për ta bërë këtë do të shihej si një zhgënjim i hidhur dhe një kthim i qartë politik.
“Hovi ndalet me presidentin”, tha Conant. “Nëse amerikanët nuk mund të kenë qasje te vaksinat, do të fajësojnë atë djalin në krye”.
