Shtatë gra janë vrarë nga bashkëshortët ose ish-bashkëshortët në Turqi të martën, ka raportuar TheGuardian.
“Në total, shtatë gra u vranë në Izmir, Bursa, Sakarya, Erzurum, Denizli dhe Stamboll”, ka raportuar stacioni televiziv Habertürk. “Të dyshuarit ishin ose bashkëshortët e tyre aktualë, ose bashkëshortë nga të cilët ishin ndarë”.
Gratë, të moshave 32 deri 49 vjeçare, ishin qëlluar ose therur për vdekje. Të paktën tre nga sulmuesit vranë veten, dy u arrestuan dhe njëri, që ishte lënduar gjatë kapjes, vdiq më vonë.
Fati i sulmuesit të shtatë, i cili ishte arratisur nga burgu për të vrarë gruan, mbetet i panjohur.
Në vitin 2023, organizata jofitimprurëse për të drejtat e grave “We Will Stop Femicide” regjistroi 315 vrasje të grave, 65% e të cilave u vranë në shtëpinë e tyre.
Rreth 248 raste të “vdekjeve të dyshimta” të cilësuara si “vetëvrasje” nga autoritetet, i janë atribuuar një pale të tretë nga grupet feministe.
-
Turqia lufton për ta ndalur dhunën ndaj grave, këtë vit u vranë 71
-
Katër të vrarë nga një sulm i armatosur në Turqi
-
Me protesta, gratë turke kërkojnë mbrojtje nga dhuna në familje
-
Një burrë vret dy gra e plagos dy të tjera në Paskuqan
-
Policia turke lëshon urdhrin për arrestimin e 162 personave për postime pro sulmeve