Papa Leoni bën thirrje për hyrjen e ndihmave të nevojshme në Gazë

Papa Leoni ka kërkuar të mërkurën që ndihma e nevojshme humanitare të lejohet të hyjë në Rripin e Gazës.

Duke folur para audiencës në Sheshin e Shën Pjetrit, Papa ka thënë se situata në Rripin e Gazës është gjithnjë e më shqetësuese dhe më e dhimbshme. 

“Apeloj që të lejohet hyrja e ndihmave humanitare. Janë të moshuarit, të sëmurët dhe fëmijët që vuajnë më shumë”, ka deklaruar Papa.

OKB-ja ka paralajmëruar se asnjë ndihmë nuk ka hyrë ende në Gazë, pavarësisht vendimit të Izraelit të hënën që të lejojë hyrjen e tyre, pas një ndalese 11-mujore.

Sipas OKB-së, shpërndarja e ndihmave është bërë një proces shumë i komplikuar.