Papa Françesku sërish bën thirrje për paqe në Ukrainë

Papa Françesku gjatë adresimit të tij të dielën në Sheshin St. Peter, ka thënë se Vatikani është i gatshëm të bëjë çdo gjë që mundet për paqe në Ukrainë, raporton CNN.

Papa ka thënë se ka dërguar dy kardinalë në Ukrainë për të ndihmuar në angazhimet humanitare.

Papa e ka quajtur luftën çmenduri.

Ai ka bërë thirrje që të kthehet te respektimi i të drejtës ndërkombëtare e po ashtu ka bërë thirrje për korridore të evakuimit të civilëve në mënyrë që ata të ikin nga konflikti.

“Në Ukrainë po rrjedh një lumë i gjakut dhe lotëve. Nuk është thjeshtë një operacion luftarak, por një luftë që krijon vdekje e shkatërrim!” – ka thënë Papa.