Zëvendëskryeministri i Maqedonisë, Bujar Osmani, është takuar me zyrtarë të Greqisë në Athinë, në përpjekje për ta zgjidhur kontestin e vjetër më tepër se dy dekada lidhur me emrin e Maqedonisë.
“Ne jemi të përkushtuar për të gjetur zgjidhje në këta gjashtë muaj”, tha Osmani, pas bisedimeve të djeshme dhe ka shtuar se “2018-ta është vit i artë për mundësinë për vendin tim që të bëjmë progres në kuptimin e integrimit euro-atlantik”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKy takim u bë para rundit të ri të bisedimeve të ndërmjetësuara nga Kombet e Bashkuara, ndërmjet negociatorit maqedonas, Vasko Naumovski, dhe atij grek, Adamantios Vasilakis, që pritet të mbahet më 17 janar në Nju Jork, i kanë thënë Radios Evropa e Lirë burime diplomatike.
Greqia nuk pajtohet me emrin e fqinjit të tij, prej pavarësisë së Maqedonisë në vitin 1991, duke argumentuar se ky emër paraqet pretendime territoriale në disa pjesë të Greqisë, që e kanë po këtë emër.
Kundërshtimet e Greqisë e kanë ndërlikuar synimin e Maqedonisë për integrim në NATO dhe në Bashkimin Evropian.