Një rezervist i Ushtrisë gjermane është duke u gjykuar për pretendimet se ai ka vepruar si spiun i Rusisë për gjashtë vjet, raporton BBC.
Ralph G. 65-vjeçar akuzohet se i ka dërguar informacione inteligjencës ruse nga viti 2014 deri në vitin 2020.
Prokurorët kanë thënë se ai ka shpërndarë detaje për Ushtrinë e Gjermanisë dhe po ashtu të dhëna personale për zyrtarët e lartë.
Ralph G. nuk është deklaruar në gjykatë të enjten dhe ka thënë se do të bëjë një deklarim në seancën e radhës më 1 shtator.
Nëse shpallet fajtor, ai do të dënohet me 10 vjet burgim.
Edhe
Arrestohet një francez në Rusi, dyshohet për spiunazh
Mediumet gjermane kanë raportuar se Ralph G ishte nënkolonel në ushtri. Në karrierën e tij si civil, ai kishte punuar si menaxher i shitjes në një kompani ndërkombëtare të inxhinierisë, e po ashtu ishte pjesë e disa komiteteve biznesore civile.
Pretendohet se ai ka rrjedhë informata të ndjeshme.
