Zemërim i madh ka shpërthyer pas vdekjes së një burri në Sri Lanka i cili u vra kur Policia nisi të qëllojë protestuesit me plumba të vërtetë, duke lënduar gjithashtu edhe 14 të tjerë.
Pamjet e Policisë duke qëlluar në qendër të Rambukkanas janë shpërndarë gjithandej në rrjetet sociale.
Policia ka thënë se kanë përdorur minimumin e forcës që të shpërndajnë protestuesit, por shumë njerëz kanë pyetur se pse janë përdorur plumbat e vërtetë, shkruan BBC.
Incidenti është dënuar nga përfaqësuesi i OKB-së në Sri Lanka gjithashtu edhe nga Bashkimi Evropian dhe SHBA-ja.
Kjo ka ardhur pasi në vend po shënohet gjendja më e rëndë ekonomike që prej pavarësimit nga Britania në vitin 1948.
Edhe
Përleshje në një burg në Sri Lanka, dhjetëra të vdekur dhe mbi 100 të plagosur
Dhjetëra-mijëra demonstrues kanë dalë në rrugë që kur Sri Lankës i mbaruan paratë për importe jetike, gjë që ka parë që çmimet e mallrave thelbësore janë ngritur në qiell dhe kanë shkaktuar mungesa akute të karburantit, ilaçeve dhe energjisë elektrike.
