-
Përktheu:
Forca Jashari
- 21 maj 2024 13:08
- Shpërndaje në:
Një prokuror grek ka hedhur poshtë akuzat ndaj nëntë burrave, shtetas egjiptianë, të akuzuar për shkaktimin e fundosjes së një anijeje, si pasojë e së cilës qindra emigrantë humbën jetën vitin e kaluar.
Menjëherë pas fillimit të gjyqit në Kalamata, prokurori rekomandoi rrëzimin e akuzave, duke thënë se
Greqia nuk kishte juridiksion për këtë çështje meqë anija e mbipopulluar u fundos jashtë ujërave territoriale greke.
Nëse do të dënoheshin, të pandehurit do të përballeshin me burgim të përjetshëm lidhur me akuza të shumta mbi fundosjen e anijes “Adriana” më 14 qershor të vitit të kaluar.
Më shumë se 500 persona besohet se janë fundosur së bashku me anijen, e cila po udhëtonte nga Libia në Itali, raporton “Associated Press”.
104 persona arritën të shpëtoheshin, kryesisht emigrantë nga Siria, Pakistani dhe Egjipti dhe 82 trupa u gjetën më vonë.
-
Arrestohen nëntë të mbijetuar nga fundosja e varkës në Greqi
-
Qindra emigrantë të zhdukur në brigjet e Greqisë
-
78 të vdekur nga përmbytja e anijes në Greqi
-
Afro 20 persona rezultojnë ende të zhdukur nga përmbytja e tragetit pranë Qipros
-
Të paktën 11 të vdekur nga përmbysja e një varke me emigrantë në Mesdhe