Qytetarët në Stamboll po votojnë në zgjedhjet lokale, të cilat janë ripërsëritur. Fillimisht gara për të parin e Stambollite kishte fituar kandidati opozitar, por rezultati u anulua pasi presidenti turk, Recep Tayyip Erdogan pretendoi se kishte pasur parregullsi gjatë votimeve.
Kandidati opozitar, Ekrem Imamoglu kishte fituar zgjedhjet e mbajtura më 31 mars, duke i dhënë një goditje të fortë partisë së Erdoganit. Më pas, presidenti turk tha se “ka pasur parregullsi dhe korrupsion” dhe kërkoi ripërsëritje të zgjedhjeve.
Bordi i Lartë për Zgjedhje më 6 maj shpalli të pavlefshme zgjedhjet e majit dhe vendosi për rivotim.
Kundërkandidati i Imamoglut për Stamboll është Binali Yildirim, i cili konsiderohet si mbështetës besnik i Erdoganit, transmeton rel.
Edhe pse Erdogan nuk merr pjesë drejtpërdrejtë në këto zgjedhje, analistët vlerësojnë se nëse kandidati i tij do të pësojë disfatën e dytë në Stamboll, kjo do të jetë një goditje e rëndë për presidentin.
Vendvotimet janë hapur në orën 8:00 pritet të mbyllen në orën 17:00, ndërkaq rezultatet e para pritet të publikohen në orët e vona të së dielës.
-
Ish-kryetari i bashkisë së Stambollit do të dalë para gjyqit nën akuzat për korrupsion
-
Kryeprokurori i Stambollit kërkon mbi 2,000 vjet burgim për liderin opozitar, Ekrem Imamoglu
-
Gjykata lëshon urdhërarrest të ri për kryebashkiaku e burgosur të Stambollit, Ekrem Imamoglu
-
Protesta në Stamboll në mbështetje të liderit të arrestuar të opozitës, Ekrem Imamoglu
-
Presidenti “i fortë” - luftë ndaj korrupsionit apo ndaj zërit opozitar