Autoritetet në Kinë thonë se kanë zbuluar koronavirusin e ri në paketimin e ushqimit të ngritë të detit të importuar që ka ardhur nga qyteti bregdetar Dalian, njofton agjencia Reuters.
Virusi është gjetur në paketimet e ushqimit të ngritë të detit të sjella nga tri kompani në Yantai, një qytet bregdetar në provincën lindore Shandong.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQeveria e qytetit Yantai në komunikatë ka njoftuar se ushqimi i detit ishte nga një dërgesë e importuar që kishte arritur në Dalian, por nuk ka treguar se nga e ka origjinën.
Në korrik, doganierët në Dalian, qytetin e madh bregdetar në provincën verilindore të Liaoning, zbuluan koronavirus në paketimin e karkalecave të ngrirë që ishin importuar nga Ekuadori dhe Kina pezulloi importet nga tri kompani ekuadoriane që merreshin me karkaleca.
Disa nga ushqimet e detit që tri kompani nga Yantai kishn blerë ishte përpunuar për eksport, ndërsa pjesa tjetër ishte mbajtur e deponuar dhe nuk ishte futur në treg, ka njoftuar qeveria e Yantait.
Kur është pyetur nëse ushqimi i detit i përpunuar është eksportuar, anëtarët e stafit kanë refuzuar të tregojnë dhe kanë thënë të pyetet qeveria e Yantait.
Nga autoritetet thonë se ushqimi është izoluar. Të gjithë që janë marrë me ushqimin janë në karantinë dhe kanë rezultuar negativ.
Përhapja e fundit e koronavirusit në Dalian ka nisur në fund të korrikut, ku rastet e para u regjistruan në një kompani të përpunimit të ushqimit të detit. Deri më 9 gusht, Dalian raportoi në total 92 raste.
Koronavirusi i ri besohet se ka filluar në një treg të ushqimit të detit dhe kafshëve të egra në qytetin Wuhan vitin e kaluar.,