NATO-ja mbron të drejtën e saj për t’i ndihmuar Ukrainës pas kërcënimeve të Putinit

Sekretari i Përgjithshëm i NATO-s, Jens Stoltenberg, ka thënë të enjten se Ukraina është viktimë e një agresioni të nisur nga Rusia, dhe se sipas së drejtës ndërkombëtare, ka të drejtë ta mbrojë vetën. 

Ai po ashtu ka thënës e Perëndimi ka të drejtë ta ndihmojë një shtet që ta mbrojë veten, raporton AP.

Deklarata e Stoltenbergut vjen një ditë pasi presidenti rus, Vladimir Putin, ka paralajmëruar Perëndimin se Rusia mund t’i furnizojë me armë me rreze të gjatë vendet e tjera për t’i sulmuar caqet perëndimore, në përgjigje të aleatëve të NATO-s që po e lejojnë Ukrainën t’i përdorë armët e tyre për ta sulmuar territorin rus. 

Putini po ashtu ka ripërsëritur gatishmërinë e Moskës që të përdorë armë bërthamore nëse sheh kërcënim për sovranitetin e saj.

Ndërkaq, Stoltenbergu po ashtu ka nënvizuar se “NATO-ja nuk ka plane që të dërgojë forca në Ukrainë”. 

Edhe Botë 7 qer 2024 Stoltenberg: Ukraina ka të drejtë të godasë objektiva ushtarake në Rusi

SHBA-ja dhe Gjermania e kanë autorizuar Ukrainën që t’i sulmojë caqet në territorin rus me armë me rreze të gjatë me të cilat ata po e furnizojnë Kievin.

LEXO EDHE: