Autoritetet ruse në Krimenë, e aneksuar nga Rusia nga Ukraina në vitin 2014, kanë gjobitur një mis të rajonit, pasi kishte kënduar një këngë ukrainase, raporton BBC.
Olga Valeyeva u akuzua për diskreditim të Ushtrisë së Rusisë dhe promovim “të simboleve ekstremiste”, pasi në një video u pa ajo duke kënduar një këngë të popullarizuar në mesin e nacionalistëve ukrainas.
Valeyeva, që tha se nuk ishte në dijeni për asocimin e këngës, u gjobit me 40 mijë rubla ruse (rreth 680 euro).
Një grua e dytë që kishte kënduar po ashtu këngën është burgosur për dhjetë ditë.
Ministria e Brendshme e Krimesë ka postuar një video ku shihen dy gratë duke kërkuar falje për këngën.
Edhe
Rusia ia zgjat dënimin aktivistes së akuzuar për ndihmë ndaj Ukrainës
Valeyeva 34-vjeçare ka fituar garën e Miss Krimea 2022 të mbajtur në Sevastopol në fund të majit.
“Unë thjeshtë këndova një këngë ukrainase pa e ditur kuptimin”, ka thënë Valeyeva.
-
Zgjedhjet presidenciale ruse, Ukraina: Do t’i shpallim të pavlefshme në zonat e okupuara
-
Fituesja e Eurovisionit në listën e personave të kërkuar nga Rusia
-
Rusja dënohet me shtatë vjet burgim pasi protestoi kundër luftës në Ukrainë
-
Gjobë prej 1 mijë e 500 dollarëve për postimin kundër ushtrisë në Rusi