Manjati rus i sallamit, Pavel Antov, është gjetur i vdekur në një hotel indian, dy ditë pasi një shok i tij kishte vdekur në të njëjtin udhëtim.
Ata po vizitonin shtetin lindor të Odishas, derisa milioneri, i cili ishte po ashtu politikan lokal, po festonte ditëlindjen e tij në hotel, raportoi BBC-ja.
Antov ka qenë një figurë e njohur ne qytetin Vladimir, në lindje të Moskës.
Verën e kaluar ai e kishte mohuar se ka kritikuar luftën e Rusisë në Ukrainë, pasi ishte shfaqur një mesazh në llogarinë e tij në WhatsApp.
Vdekja e tij është e fundit në një seri vdekjesh të pashpjegueshme ku përfshihen manjatët rusë, që kur ka nisur lufta ruse në Ukrainë, shumica prej të cilëve e ka kritikuar hapur atë.
Mediat ruse kanë raportuar se Antov, 65-vjeçar ka rënë nga një dritare hoteli në qytetin Rayagada të Indisë, të dielën. Anëtar tjetër i grupit të tij, Vladimir Budanov, ka vdekur në të njëjtin hotel.
Edhe
Gruaja që kreu atentat ndaj një miliarderi në Monako
Pavel Antov ka themeluar plantacionin e procesimit të mishit “Vladimir Standard”, dhe në vitin 2019 Forbesi e ka vlerësuar pasurinë e tij me rreth 140 milionë euro.
Disa biznesmenë të tjerë rusë kanë vdekur në mënyrë misterioze që kur ka nisur lufta në Ukrainë. Në shtator shefi i gjigantit rus të naftës “Lukoil”, Ravil Maganov, raportohet të ketë rënë nga dritarja e një hoteli në Moskë.
