Miliona njerëz në Azinë Qendrore mbesin pa energji elektrike për disa orë

Miliona njerëz mbetën për orë të tëra pa energji elektrike të martën kur një ndërprerje e madhe e energjisë goditi qytete në tre vende të Azisë Qendrore.

Zonat e Kirgistanit, Uzbekistanit dhe Kazakistanit u prekën kur një linjë e përbashkët e energjisë u shkëput.

Ajo shkaktoi bllokime trafiku, vonesa në aeroporte dhe ndërprerje të tjera të transportit publik në të gjitha vendet ish-sovjetike.

Kjo mungesë e energjisë ndodhi në orët e para të mëngjesit, për t'u rikthyer në shumicën e zonave në orët e hershme të mbrëmjes.

Rrjetet e energjisë të të tria vendeve janë të ndërlidhura dhe të lidhura me rrjetin e Rusisë nëpërmjet një linje energjie të ndërtuar nga sovjetikët që kalon përmes Kazakistanit. Kjo u lejon atyre të marrin energji nga rrjeti i Rusisë kur ka mungesa të papritura.

Por për shkak të “një çekuilibër të rëndësishëm emergjent” pati një rritje të energjisë dhe lidhja u ndërpre, tha operatori i rrjetit KEGOC.

Edhe Botë 23 jan 2023 Miliona njerëz mbesin pa energji elektrike në Pakistan

Ndërprerje u raportuan në qytetin më të madh të Kazakistanit, Almaty, dhe disa qytete në Kirgistan dhe Uzbekistan. Ka gjithashtu raporte se ndërprerja e energjisë ka prekur provincat përreth në të tre vendet.

Shumë banorë në të gjithë rajonin humbën qasjen në ujin e rubinetit, ngrohjen, pompat e benzinës dhe internetin, njoftoi agjencia e lajmeve Reuters.

Spitalet duhej të mbështeteshin te gjeneratorët për të mbajtur pajisjet kritike në punë dhe disa trena nëntokësorë mbetën të bllokuar në tunele.