-
Përktheu:
Flutura Gashi-Mehmeti
- 22 mars 2026 11:19
- Shpërndaje në:
Më shumë se 10 milionë njerëz janë përballur me ndërprerje të energjisë elektrike në shtëpitë dhe bizneset e tyre në të gjithë Kubën, pasi rrjeti kombëtar elektrik i vendit u shkëput për herë të dytë brenda një jave.
Ministria e Energjisë e Kubës ka thënë se "ka ndodhur një shkëputje totale e Sistemit Kombëtar Elektrik", në një deklaratë të postuar në mediat sociale.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo"Protokollet për restaurim tashmë kanë filluar të zbatohen", thuhet në njoftim.
Operatori i rrjetit të Kubës, UNE, ka thënë se po rikuperonte gradualisht energjinë elektrike, duke i dhënë përparësi qendrave "jetike", duke përfshirë spitalet dhe sistemet e ujit.
Vendi i Karaibeve ka pësuar tre ndërprerje të mëdha këtë muaj, teksa një bllokadë e karburantit e nga SHBA-ja ka ndërprerë importet e naftës së huaj, të nevojshme për të mbajtur në punë centralet elektrike.
Vendi i drejtuar nga komunistët ka një infrastrukturë të vjetër të energjisë elektrike dhe mungesa kronike të karburantit.
Një koalicion i grupeve ndërkombëtare socialiste ka mbërritur në Havanë gjatë fundjavës për të treguar mbështetjen e tyre për qeverinë kubane, duke sjellë me vete donacione ndihme si panele diellore, paketa ushqimore bazë dhe ilaçe.